Vlera e Bitcoint ka vazhduar të bie gjatë vikendit teksa ajo ra poshtë 34 mijë dollarëve, sipas këmbimores së kriptovalutës, Coinbase, shkruan BBC.
Kriptovaluta më e madhe e botës për nga vlera e tregut, tani ka rënë për 50% qysh nga piku i saj në nëntor të vitit të kaluar.
Rënia në vlerë e asetit digjital vie teksa tregjet e aksioneve rreth botës gjithashtu shënuan rënie ditëve të fundit.
Të hënën, disa tregje aziatike u ulën përsëri me indeksin standard të Japonisë Nikkei me rreth 2.5%.
Bitcoin përbën rreth një të tretën e tregut të kriptomonedhave me një vlerë totale prej rreth 640 miliardë dollarësh.
Ethereum, kriptomonedha e dytë më e madhe në botë, gjithashtu ka rënë në vlerë, me më shumë se 10% në javën e fundit.
Javën e fundit, bankat qëndrore në disa shtete, si në Shtetet e Bashkuara, Mbretëria e Bashkuar dhe Australia rritën shkallën e interesit në përpjekje për të ndaluar rritjen e çmimeve.
Investitorët janë gjithashtu të shqetësuar nga ndikimi i luftës në Ukrainë në ekonominë botërore.