I pari i AAK-së, Ramush Haradinaj në Ditën e Evropës u ka bërë thirrje shteteve të BE-së që ta njohin Kosovën.
Përmes një postimi në facebook, Haradinaj ka thënë se qytetarët e Kosovës po mbahen padrejtësisht të izoluar.
“Kosova i ka përqafuar vlerat e përbashkëta europiane dhe vizion i saj i palëkundur është anëtarësimi në Bashkimin Evropian”, ka shkruar Haradinaj ndër të tjera
Postimi i tij i plotë:
Kosova i ka përqafuar vlerat e përbashkëta europiane dhe vizion i saj i palëkundur është anëtarësimi në Bashkimin Evropian.
Sot në Ditën e Evropës edhe njëherë i bëjmë thirrje shteteve anëtare dhe institucioneve të BE-së, që të njohin dhe pranojnë të arriturat e Kosovës, dhe të mos vazhdojnë të mbajnë qytetarët e Kosovës edhe më tutje padrejtësisht të izoluar nga familja të cilës natyrshëm i takojnë.
Më shumë Evropë në Ballkan do të thotë më shumë mundësi, rritje e zhvillim.