Nënkryetari i Skenderajt, Sami Lushtaku, ka thënë se gruaja e Ilaz Kodrës, Kimete Kodra, është larguar nga puna pas 22 vitesh punë në Postën e Kosovës në Skenderaj.
Nëpërmjet një postimi në Facebook, Lushtaku, ka thënë se Bordi i Postës së Kosovës, i emëruar me vendim nga qeveria e Albin Kurtit, e kanë larguar nga puna Kimeten.
“Para pak ditësh, me aktivitete të shumta, nderuam sakrificën e njërit prej themeluesve të UÇK-së, heroit të Kosovës, Ilaz Kodra. Ilazi ra heroikisht duke lënë pas vetës bashkëshorten Kimeten dhe dy vajzat, Sumejen e Krenaren. Kjo e fundit lindi disa muaj pas rënies së Ilazit. 23 vite pas rënies së tij, Bordi i Postës së Kosovës, i emëruar me vendim nga qeveria e Albin Kurtit, pas 22 vitesh në punë në postën e Kosovës në Skenderaj, e largojnë nga pozita Kimeten”, ka thënë Lushtaku.
Tutje, Lushtaku këtë vendim e ka parë si vazhdim të përndjekjes dhe persekutimit të familjes së Ilazit.
Reagimi i plotë:
Para pak ditësh, me aktivitete të shumta, nderuam sakrificën e njërit prej themeluesve të UÇK-së, heroit të Kosovës, Ilaz Kodra. Ilazi ra heroikisht duke lënë pas vetës bashkëshorten Kimeten dhe dy vajzat, Sumejen e Krenaren. Kjo e fundit lindi disa muaj pas rënies së Ilazit.
23 vite pas rënies së tij, Bordi i Postës së Kosovës, i emëruar me vendim nga qeveria e Albin Kurtit, pas 22 vitesh në punë në postën e Kosovës në Skenderaj, e largojnë nga pozita Kimeten, një grua e zonja e cila me dinjitetin dhe përkushtimin më të madh, ka rritur dy vajzat e mrekullueshme, të cilat janë të shkëlqyeshme në studime.
Ky veprim është vazhdim i përndjekjes dhe persekutimit të familjes së Ilazit, por tash nga një bord shqiptarësh i emëruar nga qeveria Kurti. Ky është veprimi më i turpshëm që një qeveri e Kosovës do të mund ta bënte ndaj një familje që dha aq shumë për Kosovën!