Policia e Kosovës ka parandaluar një rast të kontrabandës me mallra.
Sipas njoftimit, policia dje rreth orës 15:30, gjatë patrullimit, njësia policore kufitare në fshatin Glloboqicë ka ndaluar një automjet me targa vendore, i cili drejtohej nga i dyshuari K.G, i lindur në vitin 1994.
Gjatë kontrollimit të veturës në hapësirën e brendshme dhe bagazh është gjetur një sasi e konsiderueshme e mallrave komerciale që dyshohet të jenë kontrabanduar nga territori i Maqedonisë së Veriut.
“Mallrat i dorëzohen Doganës së Kosovës, kurse policia inicion rastin ‘kontrabanda me mallra’, rasti me aktvendim të prokurorisë vazhdon në procedurë të rregullt.”, thuhet në njoftimin për media.
