Ditë më parë u raportua se ish-ministri i shëndetësisë, Arben Vitia, do të bëhet drejtor i spitalit “Olive”, i cili pritet të nis punën gjatë muajit qershor.
Front Online duke u thirru në burime raporton se kjo çështje është pothuajse e finalizuar.
Ish-ministri Vitia nuk është deklaruar për këtë çështje, ndërkohë që drejtuesi i “Olive”, Fatmir Sejdiu, e kishte mohuar një gjë të.
“Sa i përket ministrit unë nuk kam informatë për këtë punë…Kurrfarë kontrate të nënshkruar me mua nuk ka, nuk ka kurrgjë. Unë jam drejtor, mirëpo nuk ka kurrgjë zyrtare me të, kam muhabet me të si me çdo doktor tjetër”, tha ai.
Por, të gjitha këto deklarata janë hedhur poshtë sot , pasi që vet gruaja e pronarit të spitalit “Olive”, në profilin e saj në rrjetin social Facebook, e ka publikuar një fotografi të stafit të këtij spitali e ku në të shihet edhe ish-ministri Arben Vitia.
