Selim Selimi është shprehur se atë që e ka bërë ambasadori amerikan sot është një gjë shumë e mirë pasi që ai na e ka rikujtuar vizitën e Kurtit në Amerikë të cilën ai e ka quajtur ekskursion.
Selimi ka thënë se duhet të flasim gjithmonë për keqpërdorimin e parasë publike nga kryeministri i Kosovës, i cili ka qëndruar 20 ditë në Shtetet e Bashkuara të Amerikës.
“Mendoj se ne çdo ditë duhet të flasim për keqpërdorimin e parasë publike nga Kurti”, ka thënë Selimi.
Ai ka përmendur “hotelin, aeroplanin dhe takimet në koridore” të kryeministrit Kurti.
Sipas Selimit mëditjet dhe shpenzimet kanë dallim, por Kurti nuk i ka përdorur mëditjet ku ai ka thënë se i takojnë mbi njëqind euro në ditë kur ka vizitë në Amerikë, por Kurti ka paguar hotelin gjë që është në rregull sipas tij.
“Por ne duhet të kërkojmë llogari takimet qe i ka mbajtur Kurti, a reflektojnë në paranë publike që i ka harxhuar” ka thënë Selimi në “Debat Plus”.
Sipas Selimit takimet nga Kurti në Amerikë me paratë publike janë keqpërdorim i parasë.
Ish-ministri i Drejtësisë ka thënë se Albin Kurti është anti amerikan sepse për 20 ditë qëndrimi në SHBA ai nuk është takuar me askënd prej një niveli i cili e reflekton pozitën e Albin Kurtit