Presidenti i Serbisë, Aleksandar Vuçiq, ka thënë se presidenti i Rusisë, Vladimir Putin, e ka njoftuar se ekziston një marrëveshje e ofruar për të cilën janë në dijeni dhe gjendet në tryezë në Kiev, Moskë dhe qendrat e Perëndimit.
Vuçiq ka shtuar se ai i ka thënë Putinit se dëshiron paqe, ndërsa ka falënderuar Rusinë që i ka ofruar një kontratë të re afatgjate me kushte të volitshme për furnizim me gaz.
“Kemi rënë në dakord që të nënshkruajmë elementin e parë të kontratës trevjeçare, që është jashtëzakonisht e përshtatshme për palën serbe dhe se platforma do të mbetet e njëjtë, pra çmimi do të jetë shumë i favorshëm. Mbetet për të diskutuar për sasinë me Gazpromin. Putini për shkak të industrializimit të vendit në vitet e fundit ka pasur më shumë konsum gazi, por do të flasim me Gazpromin dhe do të kemi një dimër të sigurt në varësi të bisedës. Unë u jam mirënjohës partnerëve tanë rusë për korrektësinë”, tha Vuçiq, raporton B92.
Ai ka shtuar se ka folur edhe për marrëdëniet mes dy vendeve dhe situatën në Ukrainë.
“Unë i thash që ne duam të vendoset paqja, më tha se ka një marrëveshje të ofruar me të cilën janë njohur dhe është në tavolinë në Kiev, Moskë dhe qendrat Perëndimore. Por, nuk është tek unë të flasë për këtë”, tha Vuçiq.
Presidenti serb ka folur edhe për vizitën që do t’ia bëjë të hënën raportuesja e Parlamentit Evropian për Kosovën, Viola von Cramon.
“Ajo vjen në emër të saj, do të marrë përgjigje në përputhje me politikën e Republikës së Serbisë. Shkëmbimi i mendimeve ka qenë gjithmonë i mirëpritur, por shumë më e rëndësishme është çfarë thotë Oliver Varhelyi”, tha Vuçiq.